خمس ايام 3 حكايات روماني مكرم
## الجزء الخامس
الراجل اللي واقف تحت في الشارع، والولاعة منورة تفاصيل وشه الباردة، كان دكتور رفعت الهواري… شريكي الأول، وأول إنسان وثقت فيه في حياتي المهنية. رفعت اللي أعلنوا وفاته في حادثة عربية على طريق السويس من عشر سنين، بعد ما دخلنا في ق*ضية تعويضات ضخمة بسبب شحنة أجهزة طبية مغشوشة، ووقتها الق/ضية اتقفلت بموته وشيلت أنا الليلة لوحدي ودَفعت كل المبالغ عشان أحمي اسم المستشفى.
رفعت رفع راسه وبص لشبّاكي، طفى الولاعة، وركب العربية السودا واختفت في ضلمة شوارع القاهرة كأنها سراب.
رجعت لورا وصدري بيعلو ويهبط من الصدمة. التليفون كان لسة في إيدي والصوت على الخط قال بنبرة تسييل منها السخرية:
> «أظن كدا عرفتي إننا مش بنهزر يا إلهام. رفعت لسة عايش، والفلوس اللي بدأتي بيها كانت فلوسنا إحنا. قدامك لحد بكرة الصبح… يا إما توقعي لـ (ألفا هولدنج) وتعيشي، يا إما التركيبة اللي في جسمك هتحولك لج*ثة حقيقية المرة دي، ومش هتلاقي دكتور شريف يلحقك.»
>
الخط قطع.
دخلت في حالة ذهول، وعقلي بيجمع الخيوط بسرعة مرعبة. رفعت ما ماتش… رفعت زيف موته عشان يهرب من الديون والقضايا، وفضل عايش في الضل بيراقبني وأنا بكبّر الشغل، ولما لقى الإمبراطورية بقت بمليارات، قرر يرجع ياخدها، وزرع بدير في حياتي عشان يخلص مني بطريقة تبان طبيعية! بدير ما كانش غير قناع غبي لوش قديم بشع.
عاصم دخل الأوضة بسرعة لما سمع صرختي، وشاف منظري الشاحب:
> «في إيه يا دكتورة؟ شفتي مين من الشباك؟! وشك بقى أبيض زي القماش!»
>
سندت على المكتب وقلتله بصوت حشرج من الصدمة:
> «رفعت الهواري لسة عايش يا عاصم… رفعت هو اللي ورا شركة ألفا، وهو اللي حرك بدير وهو اللي باعتلي السم.»
>
عاصم عيونه وسعت وضرب كف بكف:
> «دكتور رفعت؟! اللي مات من عشر سنين؟! ده معناه إننا مش بنحارب مجرم عادي، ده شبح راجع من الماضي وجايب معاه تنظيم كامل.»
>
قبل ما نتحرك خطوة واحدة، تليفوني رن تاني، بس المرة دي كان دكتور شريف من معمل الأبحاث. صوته كان طالع مخنوق وفي خلفيته صوت أجهزة المعمل بتصفر:
> «إلهام… اسمعيني كويس. أنا فحصت السائل اللي في الأمبول، وفحصت عينة تانية من دمك المسحوب بالليل. الكلام صح… المادة اللي في دمك عبارة عن مركب نانوي ذكي (Nanoparticle-based toxin). المادة دي نايمة في خلايا الكبد، والترياق اللي بعتوه في الأمبول هو فعلاً المادة الوحيدة اللي تقدر تفكك الرابطة دي قبل ما تبدأ تهاجم قلبك وجهازك العصبي بعد 24 ساعة.»