وانقلب السحر على الساحر بقلم زهرة عصام

أخدت كوباية ماية و دلقتها عليها و قالت: قومي يا ولية اعمليلي فطار

نهلة بصدمة: ها انتي اتجننتي

تاج برقت ليها و قالت:- قومي بقولك نص ساعة و الفطار يكون جاهز

و دخلت على اوضة سليم و صحته بنفس الطريقة و قالت: قوم يا سبع البرومبة ساعد أمك عشان تنزل شغلك و تيجي كل أول شهر المرتب يكون في ايدي و أنا اللي هديك المصروف يا إما كدا يا إما مش هيحصل خير

شالت بنتها و قعدت في الصالة تلعب معاها و نهلة بتحضر الفطار و هتموت بغيظها

نهلة و سليم حطوا الفطار و تاج قعدت تاكل نهلة لسة هتقعد تفطر تاج قالت ليها : انتي مين انتي عشان تفطري معايا على سفرة واحدة انتي هنا خدامة ليا أنا و بنتي اللي زيك ميكولش غير لما أنا أخلص أكل

نهلة دخلت المطبخ و هي مصدمة معقولة كل اللي كانت بتعملة فيها هيتعمل فيها

نهلة بصدمة: انا فاكره اليوم دا كويس أوي نفس الكلمتين وكنت ناوية اعمل فيها اكتر من كدا معقولة ابقي انا الزليلة ليها

سمعت صوت سماح بره و تاج بتقولها اقعدي افطري يا سماح

سماح: ماشي يا تاج و اهو إنقلب السحر على الساحر مش كانت بتكرشك و تيجي تفطري معايا في المحل

سليم قاعد و سامع كل حاجه بس مش قادر يتدخل ولا يقول كلمة

تاج : انتي يا ولية يا اللي اسمك نهلة اخرجي امسحي سلم البيت كله

نهلة : انتي بتعملي فيا كدا لية اعتبريني زي أمك

تاج : أمي بقي واحدة زيك تقارن نفسها بأمي انتي هنا خدامة ليا و لبنتي

سليم : بس يا تاج دي أمي

تاج : هيهي مش دي اللي كانت بتسخنك عليا و انت ماشي وراها زي الدلدول اشرب بقي

—-

بعد كام يوم تاج نزلت ليهم تحت و قالت لسليم بقرب

لجل بنتي بس يا سليم لأجل كيان بس انت و امك هتقعدوا في الشقة دي نص مرتبك يطلع ليا فوق و النص التاني مشي بيه حالك أنت وامك و اه مفيش جواز و أنا هفضل على زمام و هتخليك متعلق كدا يا سليم لا طايل سما ولا طايل أرض و كله لجل عيون كيان

سابتهم و طلعت و هي يتقول: مش لو كنت وقفت أمك عند حدها مش لو كنت وقفت جمبي كان حلنا هيبقي احسن من كدا انا بقيت بقرف منك يا سليم بس لو أطلقت غصب عني هكرشك انت و امك من البيت و انا دي مش تربيتي

و لجل كيان أنا مستعدة أعمل أي حاجة عشان يفضل أبوها قدام عنيها

أنا مش هيكفيني ندمك العمر كله يا سليم انت و أمك اللي عملته ميجيش نقطة في بح

ر من اللي عملتوه فيا وإلا كنتوا ناوين تعملوه

جايين تندموا بعد اية بعد ما إنقلب السحر على الساحر و دقتوا اللي كنتوا بتعملوه فيا

تمت بحمد الله

همسات ليله