وانقلب السحر على الساحر بقلم زهرة عصام
انتي يا زفته انا مش قولت تمسحي السلم دا اي كلمتي مش بتتسمع وإلا اي هتفت بها نهله و هي تنظر إلى زوجته ولدها
– حاضر يا طنط قولت لحضرتك هعمله بس اخلص الغدا و اغير لـ كيان زمان سليم على وصول
نهله بغضب: تسيبي كل اللي في ايدك و تعملي السلم الأول وإلا والله هيبقي حسابك عسير يا تاج ثم أكملت بسخرية قال تاج قال و الله ما تحصلي شبشب أصلا
تاج: حضرتك بتعملي معايا كدا لي اعتبريني زي بنتك ترضي إن حمتها تعمل فيها كدا انا قولتلك هعمله بس اخلص اللي ورايا إنتي عارفه إن سليم بيحي جعان لازم اعمل الغدا الأول و كيان لايصه محتاجة تاخد دُش
نهله بسخرية: و اعملك انتي زي بنتي لي إن شاء الله انتي هنا خدامة ليا و لابني لحد ما حبيب أمه التاني يجي من السفر و هتخدميه برضوا اسفوخس على دي خلقه ثم تركتها و غادرت
تاج: روحي يا شيخة الهي يا رب يجيلك اسهال تقعدي في الحمام تلت تيام متخرجيش منه
بعد فتره
دخل سليم و علامات الغضب على وشه واضحة للاعمي
تاج بنفسها: يخربيتك يا نهله الكلب انتي لحقتي سخنتيه استلقي وعدك بقي يا تاج انا مش عارفة هعيش في القرف دا لحد امتي
سليم بغضب: اي اللي امي بتقوله دا يا بنت *** مش هنخلص من الموال دا قالتلك امسحي السلم متعرفيش تحطي جذمه قديمه في بوقك و تعملي اللي بينطلب منك
تاج بدموع جاهدت ألا تظهر: هو انت سمعتني يا سليم انت حكمت و خلاص من غير ما تسمع الطرف التاني كأن مامتك ملاك من السما كلامها قرآن
سليم: انتي بتتريقي طب تعالي بقي
مسكها من شعرها و جرها وراه لحد باب الشقه رمها بعنف على السلم و قال : سلم البيت كله يتمسح و يبقي بيلمع.. اوعي تكوني مفكره نفسك واحده لا اصحي انتي هنا عشان تخدميني انا و امي يعني زيك زي أي حاجة ملهاش اي تلاتين لازمه و تف عليها و دخل الشقه و قفل الباب في وشها المنزل
تاج: روح يا شيخ ربنا ياخدك أنت و امك في ساعة واحدة مش لو كان ليا أهل يقفوله كان اتلم
بصت للشقة قائلة: كان على عيني يا بنتي كنت أطلقت بس هروح بيكي فين دا مفتري هو و أمه ولاد سنين كـلـ.ـب بعيد عندك
استغفر الله العظيم يا رب بيخلوا الواحد يغلط و هو مش عاوز
تاج مسحت السلم كله لحد ما وصلت لـ شقة حماتها لقتها بتبصلها من فوق لـ تحت و هي بتقول: شوفتي بقي مين ست البيت فـ بهدوء كدا كلامي يتسمع
تاج حطت رأسها في الأرض و قالت: حاضر لفت وشها و طلعت و دموعها نزلت على الذل اللي هي شيفاه
خبطت على الباب و سليم فتح و قال بزعيق: دا كله بتمسحي السلم البت بتعيط ادخلي سكتيها دي بقت عيشة تقرف