وانقلب السحر على الساحر بقلم زهرة عصام

—-

سليم رجع من الشغل دخل لقي تاج محضرة الأكل و كيان بتلعب بالعابها

سليم : غريبة أمي علطول بطلع تستقبلتي اشمعنا النهارده مطلعتش

تاج : أصلها كانت مصدعة فعملتلها كوباية شاي شربتها و قالت هتستريح شوية كيان كانت بتعيط قولت اطلع يدل ما تصحيها و اسيبها تستريح

سليم بسخرية: لا و إنتي فيكي الخير أوي الحب بينكم مقطع بعضة

تاج : طبعاً دا الست أم سليم دي على رأسي بحبها حب القطط للفيران

سليم برق ليها و سألها و دخل الاوضة يفكر هيعمل معاها اية لما يتجوز

تاج بابتسامة: بحبها أوي لدرجة متتخيلهاش يا سليم عشان كدا حقي هاخد منها و بزيادة كمان

—

تاني يوم سليم كان واخد إجازة عشان يروح يشوف العروسة نزل من الصبح عند نهلة و قعدوا يدردشوا مع بعض

سليم : بقول أنزل تاج تقعد معاكي من دلوقتي عشان الشقة  تبقي للعروسة الجديدة

نهلة : لا يا واد خليك ناصح و زيد من قهرتها قولها يوم الفرح أدخل عليها بعروستك و اكرشها بره البيت

سليم شرب بق من الشاي و قال:- عين العقل يا اما عين العقل هنزلها تخدمك

نهلة : و هي هتخدمني أنا لوحدي دا هتخدمك انت و مراتك و الشارع كله هي أصلاً مكانها في الشارع هي و بنتها

سليم : البت لا يا اما البت لا دي بنتي

نهلة : بس بنتها هي كمان عشان تكون عارف أنا مش هاكلها تاكل بقي ماتكولش مليش فيه يخويا

سليم : تولع بجاز مش مهمة عندي و بعدين افتكري لينا حاجة عدلة دا انا حتي عريس

—-

عدي أسبوع و تاج طول الاسبوع دا عادي جداً و مهدية اللعب على الأخر سليم اتجوز و أخد عروسته و طلع شقتة و نهلة وراهم

سليم فتح الشقة و دخل و قال:- تعالي يا شوشو

شيماء دخلت و كانت مكسوفة طلعتلهم تاج و هي لابسة عباية بيتي و طرحة و متزوقة كانها مستنياهمو قفت قدام سليم و بصت لـ شيماء من فوق لتحت

سليم :- ….

يتبع

همسات ليله

حكايات آخر الليل

وانقلب السحر على الساحر

بقلم زهرة عصام

سليم بص لـ تاج و قال بتشفي:- انا اتجوزت يا تاج و مراتي هتقعد هنا في البيت و انتي هتنزلي تقعدي تحد مع أمي

نهلة : يلا يا بت بلا مسخرة و قلة حيا أدخلي هاتي بنتك اللي تتشك دي و سيبي العرسان

تاج بصدمة مصتنعة: اية اتجوزت يا سليم

نهلة بنشفي و ابتسامه شماتة:- أيوة اتجوز و انتي عاوزاه يلزق فيكي يعني لا اصحي إنتي حتت بنت اخرك الشارع

تاج ضحكت جامد و الكل واقف مستغربها قالت من بين ضحكها:- اتجوزت يا سليم مبروك يا سولي لولوولولووي

خرجت على باب الشقة و زعرطت تاني لحد ما الجيران صحيوا و سماح قفلت الصيدله و طلعت تتفرج