وانقلب السحر على الساحر بقلم زهرة عصام
تاج دخلت الاوضة بسرعة و شالت كيان و هي بتقول: شششش بس يا قلب ماما بس كل حاجه هتبقي كويسة شششش
سليم بصلها بقرف و نزل تحت يقعد مع أمه
تاج : معقولة انت سليم اللي أيام الخطوبة كنت شايلني من على الأرض شيل كله من العقربة أمك ماشي يا نهلة ماشي
كيان نامت و تاج غيرت هدومها و نزلت سمعت حماتها بتقول لـ سليم
نهلة : ها يا سليم أنهي واحدة فيهم عجبتك و هجوزهالك خلال شهر
سليم: و التهمة اللي فوق دي أعمل فيها اية ؟
نهلة: لا دي سبها خدامة لـيا و ليك و لـ مراتك الجديدة انت هتجوز في شقتك فوق و هتجبها تقعد معايا هنا تخدمني
سليم هز رأسه و قال: سبيني أفكر و أختار على رواق
تاج اتصدمت و ….
همسات ليله
حكايات آخر الليل
و إنقلب السحر على الساحر
بقلم زهرة عصام
سليم هز رأسه و قال: سبيني أفكر و أختار على رواق
تاج اتصدمت و طلعت على شقتها جري من غير ما حد ياخد باله
دخلت اوضيتها هي و سليم و بقت تلف حولين نفسها و تقول: يعني مش كفاية الذل و القرف اللي مستحملاه عشان بنتي لا و كمان عاوزه تجوزية يا ولية يا قرشانة أما خليتة يكون خاتم في صباعي مبقاش أنا تاج و رحمت أمي لفرحك يا نهلة الكلب بدأت تفكر هتعمل اية لغاية ما لقت حل مناسب فقالت بشر : صبراً عليا انتوا الاتنين قال جايبيني خدامة قال و اخدملك مراتك يا ابن الوارمة مهو مبتشطرش غير عليا أنا استغلت أنه مشغول مع أمه ينقي عروسة و نزلت الصيدله
تاج : ازيك يا سماح عاملة اية
سماح : بخير يا بت يا تاج اللي تتشك في كرشها حماتك لسة جاية عليكي برضوا
تاج : مهو دا الموضوع اللي عوزاكي فية
سماح بصت ليها باهتمام و قالت: خدامتك يا حبيبتي قوليلي و أي حاجة في ايدي هعملها علطول
تاج عيونها دمعت و قالت: عوزاه يتجوز عليا بنت الصر’مة و هيجيبها يقعدها في شقتي كمان و ينزلني اقعد معاها اخدمهم
سماح بشهقة: الولية دي عاوزة تأخذ علقة من اللي قلبك يحبهم عشان تهدي من شرها دا شوية.
تاج بغموض : هيحصل بس عاوزه منك حاجة
سماح: يا خبر رقبتي سداده
تاج : عاوزة حبوب هلوسة و بعدها ميفتكروش حاجة
سماح: انتي شكلك ناوية ليهم على نية سوده و راحت جابت شريط و قالت: الدوا دا ممنوع أنه يتصرف غير بِرُشطة من الدكتور بس لجل عيونك انتي هدهولك من غير حاجة
تاج :- تسلميلي يا سماح مردودة ليكي إن شاء الله
و حاجة كمان عاوزاكي تجهزيلي أوراق تنازل عن كل أملاكهم نهلة و سليم ضروري يخلصوا بكره يا سماح
سماح: بكره الصبح يكونوا جهزوا يا تاج
تاج أخدت الشريط و هي طالعة سمعت نهلة بتقول لـ سليم