ابني اتصل بيا حكايات زهره 2
حازم وقف قدامه وبصوت مكسور قال: “أنتو هتعملوا إيه؟”
الراجل بص له من فوق لتحت وقال: “بنقيم الوضع يا استاذ حازم. قدامك بالضبط 48 ساعة، يا تجيب 450 ألف جنيه كاش تمن حصة الشركة والبنك، يا إما تستقبل أمر الطرد المؤقت لحد ما المزاد يرسى على مشتري جديد للشقة بالكامل. عن إذنك.”
خرجوا وسابوا الباب مفتوح وراهم، كأن البيت مبقاش بيته ولا ليه أي حرمة.
حازم حس إن الأبواب كلها اتقفلت في وشه، فقرر يعمل آخر حاجة ممكن ينقذ بيها نفسه. راح لمديره في الشركة اللي شغال فيها في التجمع الخامس. دخل المكتب والدموع في عينه: “أرجوك يا فندم.. أنا في مصيبة ومحتاج سلفة عاجلة بخصم من المرتب، بيتي هيتخرب وهترمي في الشارع”.
المدير بص له بأسف وهز رأسه: “حازم.. أنت موظف كفء، بس أنت عارف سياسة الشركة، السلف لا تتعدى شهرين من المرتب يعني أخرك 20 ألف جنيه، وده مش هيحل مشكلتك. وبعدين أنت جاي في وقت صعب، قسم الحسابات لسه مكلمني عن التقرير المالي اللي أنت أخرته الأسبوع اللي فات بسبب خروجاتك الكتير.. فوق لنفسك يا حازم”.
خرج حازم من الشركة وهو بيجر أذيال الخيبة. قعد في عربيتو المركونة على الرصيف، ودفــ,,ـــــن وشه بين إيديه وبكى لأول مرة بحــ,,ـــــرقة زي الأطفال. بكى على أمه اللي كان وجودها مأمن حياته من غير ما يحس، بكى على الستر اللي ضيعه بإيديه عشان يرضي طمع وِعوجان مراته.
وفجأة، جاله إشعار على التليفون. فتح الرسالة لقاها من رقم والدته!
قلبه دق بسرعة رهيبة وفتح الرسالة بلهفة وهو بيقول: “الحمد لله.. حنت عليا”.
لكن الرسالة ما كانتش كلام اعتذار ولا طيبة خاطر.. الرسالة كانت عبارة عن صورة.
الصورة كانت لـ “شيك بنكي” مقبول الدفع باسم “مؤسسة الأورمان لرعاية الأيتام”، ومكتوب فيه تمن بيع حصة الشقة بالكامل! وأمه كاتبة تحت الصورة رسالة قصيرة:
“الفلوس اللي كنت بسندك بيها ومنعت نفسي من الأكل عشان تحوشها، راحت للي يستاهلها يا حازم.. للأيتام اللي ملهومش أم تحن عليهم وتدبح لهم.. من النهاردة أنت برضه مبقاش لك أم.. شيل شيلتك وورينا هتعيش بالطول والعرض إزاي لوحدك”.
في نفس اللحظة، لقى عربية نص نقل وقفت قدام برج الياسمين في حدائق الأهرام، ونزل منها والد نهى وأخوها الكسيب، ومعاهم عمال.. وبدأوا يرفعوا عدهم عشان يدخلوا الشقة وياخدوا “عفش العروسة” بالكامل قبل ما الحكومة تحجز عليه!
حازم وهو لسه باصص في شاشة التليفون وبيرتعش، لقى تليفونه بيرن تاني.. وكان محامي شركة الاستثمار العقاري بيقول له بنبرة جامدة: “جهّز نفسك يا حازم بيه.. قوة التنفيذ جاية لك بكرا الصبح”.