چريمة خېانة بقلم الكاتب حماده هيكل

كاملة
3 شهور فاتوا على طلاقي من زوجتي
اتجوزنا من 4 سنين اول سنه كانت حب ودلع
بعدها الأمور بينا ساءت لما مخلفناش
روحنا كشفنا والدكتور طلب مننا تحاليل
والنتيجة طلعت أن مراتي مبتخلفش
عندها مشكله في الرحم
مصېبة كبيرة ..انا بحبها بس في نفس الوقت
عايز حتة عيل يشيل اسمي ..خصوصا واني مليش اخوات
ابويا ماټ من مدة وأمي عايشة مع خالتي بلد تانية
الخلافات زادت بيني وبين مراتي ..متحملتش
طباعي اللي بقت صعبة وطلبت الطلاق
مكنتش عايز الأمور توصل بينا لكدا
بس هي حست اني مبقتش بحبها زي الأول
انفصلنا من 3 شهور ورجعت تاني بعيش لوحدي
في الشقة الايجار اللي ساكن فيها من يوم جوازنا
فكرت ارجع البلد..بس امي كانت بتقولي
هترجع وتسيب شغلك ليه هنا حال البلد واقف
خليك عندك ..ودور لك على عروسه تسعدك وتهيك
وتخلف لك العيل اللي نفسك فيه
بصراحه هي عندما حق ..انا لازم اتجوز واعيش حياتي
خصوصا واني معنديش مشكله في الأنجاب
ايه المانع حبي لطليقتي مش لازم يوقف حياتي
الدنيا اصلا مبتقفش على حد
في الشغل كان معايا وحده عينها مني
وبتشاغلني ..بس انا كنت رافض اخون مراتي
وبعد ما عرفت اني أطلقت ..أبتدت تقرب مني أكتر
وعرفت توقعني بطريقتها ..كانت طيبة معايا
وبتسأل عني وبتهتم بيا جدا
سألتني سبب طلاقك ايه من مراتك
قولتلها انها مكنتش بتخلف
قالت احسن انك خلصت منها ..لازم تتجوز
وتشيل ذريتك ويبقوا سندك لما تكبر وتعجز
بشوية دلع منها على حنيه واهتمام ..طبيت
واتقدمت لها واتجوزنا ..بس شرطت عليها
متنزلش المصنع تاني..مبحبش مراتي تشتغل
عايزها تبقى معززة مكرمة
قالت انها هنزل عشان أساعدك
قولتلها لا ..هو انا مش راجل ومش هعرف اكفي بيتي ولا ايه
لا يا خويا انت راجل طبعا وسيد الرجالة ..انت تؤمر
عشنا اول شهر جواز في سعاده وهنا
كانت بتعمل كل حاجه عشان تسعدني
بس بعد كدا كل دا أتغير ..وطلباتها زادت
وبقت مصرفة ومبذرة اوي
زي ما تكون حالفه انها متخليش قرش في جيبي
انا نفسي اوفر واعمل حاجه للزمن
خصوصا لو ربنا كرمني وخلفت
اتعاتبنا واتخانقنا كتير ..بس مفيش فايدة
طلباتها مبتخلصش…لما لقيت انه مفيش فايدة
اضطريت أشتغل على تاكس بعد الشغل
عشان احسن من دخلي واقدر الاحق على طلبات الهانم
فاتت سنه وبرضو مخلفتش ..وفي يوم قابلت طليقتي بالصدفة ..ولقيتها اتجوزت وكمان حامل
وعلى وش ولاده ..كنت هتجنن ساعتها
وقولتلها طب ازاي
ربك بقى لما يريد
كنت ھموت من القهر
طلقت الست اللي بحبها عشان مبتخلفش
واتجوزت من غيرها ..مطلعه عين امي
في مصاريف وطلبات مبتخلصش
وفي الاخر طليقتي تحمل وانا لسه مخلفتش
طلعت زي المچنون على مركز العقم والولاده
اللي عملت فيها التحاليل
ولما قابلت الدكتور وطلبت منه يفسر لي اللي حصل
بص في التحاليل الخاصه بيا
ودخل بياناتي ع الكمبيوتر
وقالي هو انت يا راجل ..دا احنا لينا اكتر من سنه
بنحاول نوصلك
ليه يا دكتور خير !!
الحقيقه مش عارف اقولك ايه
في ايه بس طمني
انا اسف جدا ..بس البنت المختصه
بأخد العينات ..اتلخبطت وبدلت العينه
بتاعتك انت وزوجتك مع حد تاني
يعني ايه مش فاهم
احنا
وقتها
حاولنا نكلمك على الرقم
المسجل عندنا ..بس للأسف موبايلك كان مقفول
افتكرت يومها ..اننا لما رجعنا من هناك
وعرفت ان العيب منها مش مني
دبيت معاها خناقة كبيرة ..ومن عصبيتي
كسرت الفون مېت حته…ولما حبيت أستبدل الخط
بعدها اكتشفت انه مش متسجل بأسمي
فاضطريت اشتري خط جديد
في حاجه حضرتك
لا مفيش ..فعلا انا غيرت الرقم بعدها
طيب احنا اسفين جدا ..
دي نتيجة تحاليل حضرتك انت المدام
..
رجعت البيت وانا مش شايف قدامي
وحسيت أني ظلمتها معايا ..واد ايه انا ندمان
بس خلاص وقت الندم فات
بعد كام يوم كنت راجع هلكان بالليل من
التاكسي .. لقيت مراتي بتقولي
انا عاوزه هدية حلوه بقى
ليه يا ستي عيد ميلادك لسه كان من شهرين !
ولا يمكن عشان سبوع ابن بنت خالتك
منا عارف منسباتكم مبتخلصش
كدا برضو .طب انا زعلت ..ومش هقولك ع الخبر الحلو
خبر حلو ..لا قولي ولو يستاهل هجبلك هدية
كلها 9 شهور وولي العهد هيشرف
ايه !! انتي بتتكلمي جد
ايوه يا حبييي جد طبعا
يااااه أخيرا ..
وفي عز فرحتي سكت فجأة
لما افتكرت كلام الدكتور وهو بيقولي
دي نتيجة تحليل حضرتك والمدام
المدام سليمه ومفيش عندها اي مشكلة خالص
بس المشكلة عندك انت للأسف ..حالة عقم نادرة
من الصعب العلاج منها
حبيبي!! مالك سكت ليه
..
حبيبي مالك !
ها..لا مفيش انا بس بفكر في هدية عمرك ما تتوقعيها
وكملت في سري
هدية هتنهي عمرك بدون ما اخد فيكي ساعة سجن
واحده
طيب قولي ايه الهديه بقى
لا خليها لوقتها أحسن
ليه بس
عايز افاجئك بيها
يا حبيبي ..ربنا يخليك ليا وميحرمنيش منك أبدا
ويخليكي ليا يا روحي
قولي بقى ..لو ولد هنسميه أيه
ولو بنت هنسميها ايه
امم ..اختاري انتي يا روحي انا واثق في ذوقك
امممم ..لو بنت هتبقى فريدة ..ايه رأيك
جميل ..طب ولو ولد
لو ولد ممكن نسميه حازم !!
جميل اسم حازم
يعني موافق
قولت جوايا
اكيد حازم دا عشيقك وعايزه الولد يبقى على اسمه
ايه مالك سكت ليه
لا مفيش ..موافق على الاسم جميل زيك يا روحي
انا هنام دلوقت عشان راجع هلكان ..تصبحي على خير
ايه دا ..مش هتاكل طيب
لا ..الفرحه خلتني شبعان كاني واكل ديك رومي
طيب يا حبيبي على راحتك
نمت ودموعي على خدي من شدة القهر
حسيت أن الڼار جوايا هتاكلني ..كان هاين عليا
اخلص عليها واخنقها واموتها هي واللي في بطنها
مش طايق ريحتها ولا صوت نفسها
مش متحمل وجودها جنبي
بس مش لازم أحسسها بحاجه ..لغاية ما أمسكها
مع عشيقها الخاېنة دي ..ساعتها هقتلهم
ومش هاخد فيهم يوم واحد سجن
تاني يوم نزلت الشغل ..ورجعت اتغديت
ونزلت على التاكسي عشان الأحق على طلباتها
طبعا دلوقت متابعة حمل وكشوفات وأدوية
وليلة مش هتخلص ..وياريت كان من صلبي
لكن ابن حرام
كانت فرحانه جدا بالحمل ..ولا كأنه من الحړام
وانا كنت بمۏت كل لحظة ومش قادر اتكلم
أبتديت أراقبها ..بمسك موبايلها وهي في المطبخ
او نايمة. والغريبة انه مكنش مقفول بباسورد
بقلب في المكالمات عندها والرسائل
ع الفون والماسنجر والواتس ..مفيش حاجه
كلهم ستات وبنات قرايبها وصحابها
مفيش اي رقم لراجل غيري او
أخوها
معقول هي
ذكية اوي كدا ومش سايبة أي دليل وراها
انا هتجنن
طب ممكن يكون معاها موبايل تاني ..او حتى خط تاني
بتكلم عشيقها منه…يمكن ليه لا
عملت تسجيل خروج بسرعه للفيس من عندها
ملقتش اي حسابات تاني موجوده على جهازها
وبعدين انا لازم امسك عليها دليل
هي لازم تقع ..مهما بلغ ذكائها
بعد يومين قولتلها أن أمي تعبانه
ونازل البلد أطمن عليها
الف سلامه عليها ..طيب تحبي أجي معاك
لا يا روحي خليكي انتي مرتاحه
عشان الحمل ومتتعبيش في المواصلات
يومين تلاته بالكتير وهرجع لك
طيب يا حبيبي ..تروح وتيجي بألف سلامه
سلم لى على طنط وابقى طمني عليها
كنت ناوي افاجئها ..واطب عليها مرة واحده
واكيد همسكهم مع بعض
الحقيقة دي مش فكرتي
دي فكرة طليقتي اللي كلمتها امبارح
وحكيت معاها على اللي حصل
في الأول فضلت تهديني
وتقولي متزعلش نفسك
واجهها بالحقيقه وطلقها بهدوء
من غير فضايح ..
مش هقدر دي مش بس پتخوني
دي كمان عايزه تنسب ليا طفل مش مني
استغفر الله العظيم
منال ..انا اسف على اللي حصل
انا ظلمتك معايا ..مكنش لازم اطلقك مهما حصل
وربنا رد لي اللي عملته فيكي وزيادة
ملوش لزوم الكلام دا يا جمال
كل واحد بياخد نصيبه ..الحمدلله
وانا مش بفتكرك الا بكل خير
طيب قوليلي أشفي غليلي ازاي منها
بلاش تودي نفسك في داهية
جمال طلقها بالمعروف
وكل واحد يروح لحاله ..وربنا يعوضك عنها خير
مش قادر انا كرامتي بقت في الأرض
وحاسس اني ممكن أقتلها في اي وقت
بلاش يا جمال تضيع نفسك عشان وحده متستاهلش
انا هنتقم منها ..بس لازم اظبطهم مع بعض
عشان اخد حكم مخفف او براءة
طب عندي فكرة
أيه هي
ايه رايك لو قولتلها انك مسافر البلد
وتطب عليها فجأة !
نفذت فكرتها وتظاهرت اني سافرت بعد العصر
وبالليل رجعت على الساعه 12 بالليل
ودخلت الشقة ..ولما فتحت الباب
لقيت نور أوضة النوم شغال ..رغم انها بتنام قبل
المعاد دا بساعه على الأقل
لقيت فردة جزمة مرمية في الصالة
دي جزمة راجل ..اكيد هو
كمان في قميص على الكرسي هنا في الصالة
جريت بسرعه على المطبخ سحبت سکين
ودخلت بسرعه عليهم
لقيتها نايمه لوحدها في السرير
وفجأة حسيت بخبطة على دماغي من ورا
ألتفت ورايا شوفته وهو بيهرب
حاولت الحقه ..لكن الضړبة كانت أثرت عليا
وكنت مش متزن خد جزمته والقميص
وجري ..وملحقتش أشوف ملامحه
جريت عليها بسرعه عشان أخلص عليها كانت لسه نايمه
رفعت السکين ولسه هنزل عليها
لقيت اثر خدش في رقبتها …
حاولت افوقها..بس واضح انه كان مغمى عليها
أخدتها وطلعت على المستشفى
وهناك عرفت انها تحت تأثير مخدر
أزاي دا ..في حاجة غلط بتحصل
وانا لازم اعرف. .لو كان عشيقها
ليه هيخدرها ..هي بتحبه وحملت منه بمزاجها
لما فاقت ..عرفت منها أن في حد
دخل عليها الشقة قبل وصولي بساعه
حاولت تصرخ لما شافته لكنه ضربها
وعورها في رقبتها ..وبعدها حط منديل على وشها
ومحستش بحاجه غير لما فاقت في المستشفى
قررت أخدها وعملنا تحاليل تاني
في معمل غير اللي
حللت فيه قبل كدا
وبعد كام يوم ..كانت الصدمه لما نتيجة التحليل طلعت
انا بخلف!! ومش عندي عق
واللي في بطنها
دا ابني
اكتشفت اني كنت هقتل مراتي وابني
بسبب لعبة قڈرة من طليقتي اللي قررت ټنتقم مني
من خلال انها قدرت تتواصل مع دكتور التحاليل
وتطلب منه يغير كلامه ويوهمني أن العيب مني
وعرفت بعد كدا اني لما قابلتها وهي حامل
مكنش صدفه وانها كانت مخططه للمقابله دي
ومثلت انها حامل عشان توهمني ان العيب مني
عشان عارفه اني هروح للمعمل وتبدأ لعبتها القڈرة
والشخص اللي دخل بيتي دا ..هي تعرفه
وادت له نسخه من مفتاح شقتنا
لاني هي كان معاها نسخه قبل ما نطلق
وانا مغيرتش الكالون
قررت أني أقدم بلاغ في الشرطه
لاتهامها بتحريضي على قتل زوجتي والجنين
هي ودكتور المعمل والشخص اللي اقتحم شقتي
وضړبني وخدر مراتي
الحمدلله أني متسرعتش وقټلت مراتي وابني
والا كنت هندم باقي العمر كله
تمت
جريمة_خيانة
حماده_هيكل